مساعد شخصي بشخصية حيّة يفهمك بلهجتك الخليجية، صوت أو كتابة، ويدير لك أمور الكمبيوتر: يفتح، يرتّب، يبحث، يذكّرك، ويرسل عنك. مجاني، وتشغّله بمفتاحك أنت.
ويندوز فقط حالياً · بدون اشتراك · التكلفة على مزوّدك (OpenAI أو Gemini)
الدائرة الصوتية تتغيّر حسب اللي يصير (هدوء، استماع، تفكير، كلام). هذا عرض تجريبي.
أمثلة على اللي تقدر تقوله
تقول له اللي تبيه بالعامي، وهو يتصرّف على جهازك.
مكالمة صوتية مباشرة أو كتابة، بالعربي الخليجي أو الإنجليزي. وإذا تبي لهجة خليجية أو إماراتية أو صوتاً مستنسخاً تقدر تختار صوت EchoNova للمكالمة بمفتاحك أنت.
الشخصية الرقمية: رجل مرسوم بخطوط من ضوء يتنفس ويسمعك ويفكّر ويتكلّم. أو الشخصية السينمائية: رجل ملثّم في مكتبه الليلي بمقاطع حقيقية يتبع كلامها الصوت. أو الكرة. تختار من الإعدادات، وفي الجوال كذلك.
يفتح البرامج وألعاب ستيم ويوتيوب، ويكتب وينقر، ويحرّك الملفات ويقفل الشاشة، حتى بين أكثر من شاشة. خيار «التحكم الكامل» يعطيه صلاحية فعلية على جهازك، وهو مطفأ افتراضياً وتفعّله أنت.
يبحث في الإنترنت ويقرأ الصفحات ويعطيك الطقس، ويقرأ شاشتك بلقطة تطلبها أو بتحديد منطقة منها (معطّلة افتراضياً).
يقرأ ملفات PDF وWord وPowerPoint على جهازك، ونص المستند ينرسل لمزوّد الذكاء اللي اخترته مع المحادثة.
يكتب ويرسل رسائل بريد عبر SMTP ورسائل Discord (ويب هوك أو بوت). تضبطها من الإعدادات.
يكتب ملاحظاتك في ملفات عندك، ويذكّرك بمواعيدك، ويتذكّر اللي يهمك.
اكتب خطوات مرة وحدة وشغّلها بكلمة، وكمّل سوالفك وهو يشتغل بالخلفية ويقولك لما يخلّص.
مهام متكررة وملخّص صباحي. تشتغل والبرنامج شغّال.
آلة حاسبة، محوّل وحدات، تاريخ ووقت بمدن ثانية، ومؤقّتات. تشتغل داخل البرنامج بدون تكلفة.
مع لعبة بملء الشاشة ما يرفع نافذته ولا يصدر صوتاً، والتذكيرات تنتظر وتجيك بملخّص واحد بعد ما تخلص.
للجلسة فقط: المحادثة والذاكرة ما تنحفظ، وكل شي ينتهي لما تسكّر البرنامج.
لقطات حقيقية من واجهة البرنامج ببيانات تجريبية (الاسم والتذكير والأرقام للعرض).
تطبيق مرافق للجوال (Android تجريبي، وiPhone قريباً): تتحكم بكمبيوترك من الجوال، محادثة وصوت ومكالمة حية وتشغيل أوضاعك، وتقدر تسحب الإيقاف الطارئ. يتربط برمز QR، من نفس الشبكة أو من أي مكان عبر خادم وسيط.
نسخة Android تجريبية وانجرّب منها الاقتران والمكالمة على سامسونج Galaxy S21 فقط. بدون إشعارات دفع حالياً. تثبيت مباشر من الملف: فعّل «مصدر غير معروف» وما تحتاج تسجيل جهاز.
تطبيق iPhone لسا ما صدر للعموم (مو على App Store) وما اكتمل اختباره على جهاز حقيقي. اللقطة مغبّشة عمداً.
